មន្ទីរធនធានទឹកនិង ឧតុនិយមខេត្តកណ្ដាល បានចេញសេចក្តីប្រកាសថាសំណង់រឹងមាំ របស់លោកស្រីលន វត្តី នៅ ឃុំឫស្សីជ្រោយ ស្រុកមុខកំពូលអត់មានច្បាប់ទេ តើស្ថាប័ននិងមន្ត្រីពាក់ព័ន្ធចាត់វិធានការយ៉ាងណាវិញ វគ្គ១

 

ខេត្តកណ្ដាល: សំណង់រឹងមាំ១កន្លែង នៅជាប់មាត់ទន្លេមេគង្គ ក្នុងភូមិជ្រោយមេត្រីក្រោម ឃុំឫស្សីជ្រោយស្រុកមុខកំពូល ខេត្តកណ្ដាល នៅពេលនេះកំពុងឡើងកំដៅ ដោយម្ចាស់កម្មសិទ្ធិសាងសង់គ្មានលិខិតអនុញាត សាងសង់នោះទេ ។
នេះបើ យោងលិខិត១ច្បាប់ចុះថ្ងៃទី០៥ខែកញ្ញា ឆ្នាំ២០២៥ របស់លោកប្រាក់ ឡាក់ ប្រធានមន្ទីរធនធានទឹកនិង ឧតុនិយមខេត្តកណ្ដាល ផ្ញើជូនលោកស្រី លន វត្តី អាយុ ៣៣ឆ្នាំ សញ្ជាតិខ្មែរ រស់នៅផ្ទះលេខ ២៧ ផ្លូវលេខ៥៩៦ សង្កាត់បឹងកក់ទី២ ខណ្ឌទួលគោក រាជធានីភ្នំពេញ បានឱ្យដឹងថា សំណង់បុកគ្រិអសាងសង់នោះមិនមានច្បាប់ទេ។

លិខិតនោះបានឲ្យដឹងអំពីកម្មវត្ថុស្តីពីការសាងសង់សំណង់រឹងមាំទប់ច្រាំងទន្លេ ស្ថិតក្នុងភូមិសាស្ត្រភូមិជ្រោយមេត្រីក្រោមឃុំ ឫស្សីជ្រោយ ស្រុកមុខកំពូល ខេត្តកណ្តាល ។

ប្រធានមន្ទីរធនធានទឹក និងឧតុនិយមខេត្តកណ្ដាលសូមជម្រាបមកលោកស្រី លន វត្តី ជ្រាបថា ៖ សំណង់ រឹងមាំ០១កន្លែងសាងសង់ដើម្បីទប់ច្រាំងទន្លេដែលមាននិយាមកា X= 501377, Y= 1301223 ស្ថិតក្នុងភូមិជ្រោយមេត្រីក្រោម ឃុំឫស្សីជ្រោយ ស្រុកមុខកំពូល ខេត្តកណ្តាល ជារបស់លោកស្រី លន វត្តី ដែលជា ម្ចាស់កម្មសិទ្ធិលើអចលនទ្រព្យមានវិញ្ញាបនបត្រសម្គាល់អចលនវត្ថុលេខ ០៨០៧០៩០៦ – ០២០១ ក្បាល ដីលេខ ២០១ ពុំទាន់មានលិខិតអនុញ្ញាតសាងសង់នៅឡើយទេ ។

យោង អនុក្រឹត្យ លេខ ៩៨ អនក្រ.បក ចុះថ្ងៃទី ២៤ ខែកក្កដា ឆ្នាំ២០១៥ស្តីពីការគ្រប់គ្រងអាងទន្លេ, មាត្រា៨ ដោយបានសាងសង់រំលោភលើដីចំណីមាត់ច្រាំងទន្លេ។

យោងច្បាប់ស្តីពីសំណង់, មាត្រា២៦ សាងសង់ដោយពុំមានលិខិតអនុញ្ញាតសាងសង់ ពីអាជ្ញាធរមានសមត្ថកិច្ច, មាត្រា៣៨ សាងសង់ដោយពុំមានលិខិតអនុញ្ញាតបើកការដ្ឋានសាងសង់ពីអាជ្ញាធរមានសមត្ថកិច្ច។

យោងអនុក្រឹត្យលេខ ២២៤ អនក្រ.បក ចុះថ្ងៃទី៣០ ខែធ្នូ ឆ្នាំ២០២០ ស្តីពីលិខិតអនុញ្ញាតសាងសង់, មាត្រា៨ សាងសង់ដោយពុំមានលិខិតអនុញ្ញាតសាងសង់ ពីអាជ្ញាធរមានសមត្ថកិច្ច, មាត្រា៣៧ សាងសង់ដោយពុំមានលិខិតអនុញ្ញាតបើកការដ្ឋានសាងសង់ ពីអាជ្ញាធរមានសមត្ថកិច្ច។
អង្គភាពសារព័ត៌មានយើងសង្ឃឹមថា លោក យី យ៉េន អភិបាលស្រុក មុខកំពូលនិងជាគណ:មេបញ្ជា ការឯកភាពស្រុក គួរតែចាត់វិធានការ ចំពោះម្ចាស់សំណង់អត់ច្បាប់ បុគគ្រិះសាងសង់ចាក់ដីចូលច្រាំងទន្លេ ដែលជាសម្បត្តិរដ្ឋ យកមកធ្វើជារបស់កម្មសិទ្ធិរបស់ខ្លួន យ៉ាងណាវិញ បន្ទាប់ពីប្រធានមន្ទីរធនធានទឹក និង ឧតុនិយម ចេញសេចក្តីប្រកាស សំណង់រឹងដែលមានទីតាំងខាងលើ នៅរក្សាភាណស្ងៀមស្ងាត់   ។

តើឯកឧត្តមគួចចំរើន អភិបាលនៃ គណៈអភិបាល ខេត្តកណ្ដាលនិងជាគណៈមានជាការឯកភាព គ្រប់គ្រងសម្បត្តិរដ្ឋ ចាត់វិធានការយ៉ាងណាវិញ ចំពោះ បុគ្គលដែលមានឥទ្ធិពល មានលុយមានអំណាចខាងលើនេះ  ។

ចាក់ដីចូលច្រាំងទន្លេបុកគ្រិះសាងសង់សំណង់រឹង សំណង់ខុសច្បាប់ និងការចាក់ដីបំពានចូលច្រាំងទន្លេ  នៅរយ:ពេលកន្លងមកនេះ កាន់តែរីកដូចផ្សិតនៅក្នុងទឹកដីខេត្តកណ្តាល មានពេលខ្លះ មាន(សជណ)របស់អភិបាលខេត្តចេញសេចក្តីប្រកាស ជាសាធារណៈ   ព្រៀបដូចជា ក្រដាសសមួយសន្លឹក ដែលមិនអាចអនុវត្តទៅលើម្ចាស់សំណង់រឹងចាក់ដីបំពានរំលោភទន្ទ្រានសម្បត្តិរដ្ឋ មកធ្វើជាម្ចាស់កម្មសិទ្ធិផ្តាល់ខ្លួន ដោយមិនខ្លាចញញើតច្បាប់ សូម្បីតែបន្តិច តើសំណង់រឹងរំលោភបំពានទាំងនោះរឹងជាងការអនុវត្តច្បាប់ ឬអនុក្រិត្យ របស់រាជរដ្ឋាភិបាលរឹងជាង  ។

អង្គភាពអ្នកសារព័ត៌មានយើងសង្ឃឹមថា ឯកឧត្តមគួចចំរើន អភិបាលនៃ គណៈអភិបាល ខេត្តកណ្ដាល និងជួយបំភ្លឺជាសាធារណ:ក្នុងករណីខាងលើ ដើម្បីកុំអោយប្រជាពលរដ្ឋ មានការភាន់ច្រឡំថា ការអនុវត្តច្បាប់ បែបស្តង់ដាពីរ ឬមួយអាចនិយាយបានថា មន្ត្រីដែលបើកប្រាក់ខែពីរដ្ឋបែបជាមិនអនុវត្តច្បាប់និងកំពង់តែដេកលុងលក់។
អង្គភាពសារព័ត៌មានយើងស្នើសុំដល់ឯកឧត្តមអភិសន្តិបណ្ឌិតសសុខាឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សូមមេត្តាចាត់មន្ត្រីជំនាញចុះត្រួតពិនិត្យ ដោយក្តីអនុគ្រោះ។

អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយនាគខ្មៅ