កាសុីណូ នៅជាប់ព្រំដែនវៀតណាមច្រកស្វាយអាង៉ោង ធ្វើហ្នឹងអនុសាសន៍របស់សម្ដេច វគ្គ ១

 ផ្សាយចេញនៅថ្ងៃទី 25 ខែកញ្ញាឆ្នាំ 2023

ខេត្តព្រៃវែង ៖ ទឹកដី ស្រុកកំពង់ត្របែក មាន ទីតាំងកាសុីណូមួយកន្លែងមានស្លាកយីហោ"333"លួចបើកលេងល្បែងសុីសងជល់មាន់  ខុសច្បាប់ បានយ៉ាង អនាធិបតេយ្យ ដែលមានស្ថិតនៅជាប់ច្រកទ្វារព្រំដែនស្វាយអាង៉ោង ស្ថិតក្នុងភូមិចាម ឃុំចាម ស្រុកកំពង់ត្របែក ខេត្តព្រៃវែង ដោយមិនរំខានដែនសមត្ថកិច្ចពាក់ព័ន្ធឬត្រូវថ្នាំសណ្ដំអស់ទៅហើយ បានជាបណ្ដែតបណ្ដោយឱ្យប្រជាពលរដ្ឋខ្មែរចូលលេងយ៉ាងក៏គិតគូគ្រេងបែបនេះ

 យោងតាមក្រុមការងារអង្គភាពអ្នកសារព័ត៌មានយើងប្រមាញ់រូបភាព និងអង្គភាពអ្នកសារព័ត៌មានជាច្រើនអង្គភាពបានផ្សព្វផ្សាយនៅលើគេហទំព័ររបស់ខ្លួន យោងតាមប្រកាសរបស់គណៈកម្មការគ្រប់គ្រងល្បែងពាណិជ្ជកម្មកម្ពុជាលេខ ០០៣/២៣ អ.គ ល.ក សជណ  ចុះថ្ងៃទី ១៥ ខែកញ្ញាឆ្នាំ ២០២៣ កន្លងទៅនេះ

ប្រជាពលរដ្ឋនិងអង្គការសង្គមស៊ីវិលកំពុងរង់ចាំមើលថាតើ ឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង នឹងលោកឧត្តមសេនីយ៍ទោ ឈឿន ប៊ុនឆន ស្នងការនគរបាលខេត្តព្រៃវែង មានចំណាត់ការយ៉ាងណាវិញ?

សូមបញ្ជាក់ថា រឿងប្រជាពលរដ្ឋខ្មែរ ចូលលេងល្បែងស៊ីសងគ្រប់ប្រភេទនៅក្នុងទឹកដីនៃប្រទេសកម្ពុជា គឺជារឿងខុសច្បាប់។

យោងគោលនយោបាយ ទាំង ៧ ចំណុចភូមិសង្កាត់មានសុវត្ថិភាព ដែលបានដាក់ចេញដោយក្រសួងមហាផ្ទៃ ឬបទបញ្ជាផ្ទៃក្នុង 006 របស់អគ្គស្នងការនគរបាលជាតិ នៅក្នុងការអនុវត្តតាមច្បាប់ដែលបានចែងនៅក្នុងព្រះរាជាណាចក្រកម្ពុជា។

យោង អនុសាសន៍ របស់សម្តេច នៅថ្ងៃទី១៧ ខែកញ្ញា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់បទបញ្ជាយ៉ាងដាច់ណាត់១ អោយ លោក អភិបាលរាជធានី ខេត្ត ទាំង២៥ខេត្ត ក្រុងត្រូវតែបង្ក្រាបបនល្បែងស៊ីសងខុសច្បាប់គ្រប់ប្រភេទទូទាំងប្រទេស  ។

លោកឧត្តមសេនីយ៍ទោ .ឈឿន ប៊ុនឆន .ស្នងការនគរបាលខេត្តព្រៃវែងមានសមត្ថភាពក្នុងការចុះបង្ក្រាបល្បែងស៊ីសងទាំងនោះដែរឬទេ 

អង្គភាព  CHRTV online  មានជំនឿ ជឿជាក់ថាលោកឧត្តមសេនីយ៍ទោនិងចាប់ប្រធានការយ៉ាងម៉ឺងម៉ាត់  ចំពោះទីតាំងបនល្បែងគ្រប់ប្រភេទដែលកកើតនៅខេត្តព្រៃវែង។

អង្គភាព CHRTV online .com  សូមសំណូមពរដល់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ ចាត់មន្ត្រីជំនាញក្នុងការចុះស៊ើបអង្កេតដោយក្តីអនុគ្រោះ។

អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនាដើម្បីចូលរួមចំណែកមួយផ្នែកតូចជាមួយរាជរដ្ឋាភិបាល ក្នុងការផ្ដល់ព័ត៌មានពិតប្រាកដនិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធ គ្រប់ពេលម៉ោងធ្វើការតាមរបបរក្សាព័ត៌មានសូមអរគុណ។ដោយ សួន ចំរើន