ពិតជាល្បីមិនដាច់ពីម៉ាត់ រោងចក្រផលិតបារី ល្បីថាមានច្បាប់ នៅស្រុកបាទីសូម្បីតែស្លាកយីហោ ក៏មិនហ៊ានលើ ដោយឡែកដឹកទំនិញចេញ តែពេលយប់ វគ្គ២

 

ផ្សាយចេញនៅថ្ងៃទី០៥ខែឧសភាឆ្នាំ២០២៥

ខេត្តតាកែវ : អង្គភាពអ្នកសារព័ត៌មានស៊ីអេចអ បានផ្សព្វផ្សាយព័ត៌មាន នៅចំណុចទីតាំងរោង

ចក្រផលិតបារីមួយកន្លែង ល្បីថាមានច្បាប់ឈ្មោះ LKZ HUA SHENG TIAN CAMBODIATODAC CO.,LTDស្ថិតនៅក្នុងភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ ដែលជាទីកន្លែងផលិតបារី ខ្នាតធំ ដឹកទំនិញចេញតែពេលយប់ ទៅតាមក្រវាត់ព្រំដែន ប្រទេសវៀតណាម ។

 ទោះបីមានការអនុញ្ញាតិពីក្រសួងពាណិជ្ជកម្ម ក្រសួងសេដ្ឋកិច្ច និងហិរញ្ញវត្ថុ និងមានបង់ប៉ាតុងក្តី នៅក្នុងនោះ អង្គភាពសារព័ត៌មានយើង ទទួចស្នើសុំក្រសួងពាក់ព័ន្ធសូមមេត្តាត្រួតពិនិត្យ ដោយសារមានភាពមិនប្រក្រតី ដឹកទំនិញចេញតែពេលយប់ ធ្វើការចែងចាយទៅតាមច្រករបៀង

នៃប្រទេសវៀតណាម តើនេះឬ ដែលគេល្បីតៗគ្នានោះថា​ក្រុមហ៊ុនគេមានច្បាប់ត្រឹមត្រូវ?

 ដោយឡែក អង្គភាពយើង បានធ្វើសេចក្តីរាយការណ៍ជូន ឯកឧត្តម អភិបាលខេត្តតាកែវ នៅក្នុងឆ្នាំ២០២៤ ដើម្បីចាត់មន្ត្រីជំនាញ ចុះអធិការកិច្ច នៃមន្ទីរសាខាគយនិងរដ្ឋាករ ខេត្ត និង មន្ត្រីក.ប.ប តែនៅតែរក្សាភាពស្ងៀមស្ងាត់ មិនហ៊ានចុះបង្ក្រាប ដោយ មន្ត្រីមួយចំនួនគ្រាន់តែបញ្ជាក់ថា មានច្បាប់់ៗ គ្រប់គ្រាន់។

រោងចក្រផលិតបារី ល្បីថាមានពន្ធស្របច្បាប់ ផលិតនិងចែកចាយទៅប្រទេសវៀតណាម សូម្បី តែស្លាកយីហោ ក៏មិនហ៊ានលើក តើមកពីព្រោះអ្វី ? បញ្ជូនទំនិញតាមច្រករបៀង ពេលយប់តើព្រោះហេតុអ្វី នៅក្នុងនោះ មានអ្នក ចរចាទំលាក់ អត្ថបទតើព្រោះអ្វី ?បើរោងចក្រផលិតបារី ស្របច្បាប់?មួយនេះ ពិតជាស្របច្បាប់មែនឬ? ។

សូមអគ្គនាយកដ្ឋានគយនិងរដ្ឋាករ និងស្ថាប័នពាក់ព័ន្ធ និងមន្ត្រីជំនាញ(ក.ប.ប)គួរតែអនុវត្តន៍ការនាំចេផលិតផល(បារី)ទៅបរទេស ដែលមានព្រំប្រទល់ជាប់និងខេត្តតាកែវ ឆ្លងទៅប្រទេសវៀតណាម តើការនាំចេញបារីទាំងនោះស្របតាមច្បាប់អន្តរជាតិ តាមស្តង់ដាដែលឬទេ?។

តែអ្វីដែលអង្គភាពសារព័ត៌មានយើង ចង់បើកបង្ហាញនោះ គឺក្លិនរបស់ថ្នាំ រួមនិងសារធាតុញៀន មួយចំនួនដែលជាមូលហេតុ ធ្វើអោយប៉ះពាល់ដល់សុខភាព និងកើតជំងឺមហាជាច្រើនប្រភេទ ដែលកន្លងមកអង្គភាពអ្នកសារព័ត៌មាន ជាច្រើនបានចុះផ្សាយ ជាបន្តបន្ទាប់ ពីមួយទៅមួយ ក្នុងការជំរុញឲ្យមន្ទីរការងារនិងបណ្ដុះបណ្ដាលវិជ្ជាជីវៈ និងស្ថាប័នពាក់ព័ន្ធជួយឆ្លើយបំភ្លឺ ចំពោះទីតាំងរបស់ក្រុមហ៊ុនខាងលើគឺជាកន្លែងផលិតបារីដែលល្បីថាស្របច្បាប់ក្តី តែគ្រាន់តែជារនាំងបិទបាំង បង្កើនផលិតសារធាតុញៀន និងផលិតស្លាកយីហោ ផ្សេងៗជាច្រើន ។

បើយោងទៅតាមច្បាប់ដែលបានចែងនៅក្នុងក្រសួងពាណិជ្ជកម្មត្រូវបានកំណត់ម៉ាក ចំនួនផលិតផល និងឈ្មោះក្រុមហ៊ុនទៅតាមការផ្ដល់ជូនមានចំនួនកំណត់ជាក់លាក់នៃក្រុមហ៊ុនខ្នាតតូច មធ្យម និងខ្នាតធំ និងចាំបាច់ត្រូវតែផ្ដល់ជូនទៅតាមចំនួនដែលបានសុំពីម្ចាស់សហគ្រាសឬម្ចាស់ក្រុមហ៊ុនដើម្បីអនុវត្តចេញដោយក្រសួងពាណិជ្ជកម្ម។

ផ្អែកតាមច្បាប់ដែលបានកំណត់ដោយនាយកដ្ឋានពន្ធដាររបស់ក្រសួងសេដ្ឋកិច្ច និងហិរញ្ញវត្ថុដែលបានផ្ដល់ជូននូវតម្លៃ និងផលិតផលបានកំណត់ត្រូវតែការបង់ពន្ធទៅតាមម៉ាកនីមួយៗ ដែលត្រូវបានចុះបញ្ជីក្រោមស្លាកយីហោរ ឬប្រភេទផលិតផល។ទាក់ទងចំពោះការផលិតទៅនឹងវត្ថុធាតុដើមទៅតាមស្តង់ដា និងបទដ្ឋានក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក៏បានកំណត់នូវមុខរបររបស់ម្ចាស់សហគ្រាសឬក្រុមហ៊ុនដែលមានទំហំនៃមូលធនដែលបានកំណត់ដោយច្បាប់ ត្រូវបានចែងក្នុងមូលដ្ឋាននៃច្បាប់ និងធ្វើការផលិតនូវផលិតផលទាំងអស់ឲ្យស្របតាមស្តង់ដា នៃព្រះរាជាណាចក្រកម្ពុជា និងស្របតាមគោលការណ៍មួយចំនួននៃស្តង់ដាអន្តរជាតិ។

រោងចក្រផលិតបារី របស់ចិន ល្បីថាមានច្បាប់ មួយកន្លែងនេះ ក្លាយជាកន្លែងស្តុកបារី ក្នុងការបញ្ជូនទៅចែកចាយនៅប្រទេសវៀតណាម បង់ពន្ធមិនគ្រប់ឬជាបារីគេចពន្ធ លំហូរតាមច្រករបៀងទៅប្រទេសផ្សេងដែលជាដៃគូរួមគំនិត ក្នុងការផលិតបារី ដែលមានស្លាកយីហោផ្សេងជាច្រើន និងចែកចាយ ។

ប្រជាពលរដ្ឋនិងអង្គការសង្គមស៊ីវិលសង្ឃឹមថា គណៈមេបញ្ជាការឯកភាពខេត្ត ឯកឧត្តម វី សំណាង អភិបាលខេត្តតាកែវ សូមមេត្តាចាត់វិធានការណ៍ ចាត់មន្ត្រីជំនាញ ចុះទៅពិនិត្យចំពោះទីតាំងខាងលើដោយក្តីអនុគ្រោះ ។

អង្គភាពអ្នកសារព័ត៌មានយើងស្នើសុំដល់ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា សូមមេត្តា ចាត់មន្ត្រីជំនាញចុះត្រួតពិនិត្យនៅក្នុងករណីនេះដោយក្តីអនុគ្រោះ។

អង្គភាពអ្នកសារព័ត៌មានយើងស្នើសុំដល់ ឯកឧត្តម ឱមយ៉ិនទៀង ទេសរដ្ឋមន្ដ្រី និងជាប្រធាន អង្គភាពប្រឆាំងអំពើពុករលួយ មេត្តា ចាត់មន្ត្រីជំនាញ ចុះស៊ើបអង្កេត ករណីរោងចក្រផលិតបារីគេចពន្ធ ខាងលើដោយក្តីអនុគ្រោះ។

ប្រជាពលរដ្ឋ ស្នើសុំដល់ឯកឧត្តមអភិសន្តិ បណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ សូមមេត្តាចាត់មន្ត្រីជំនាញ ចុះទៅពិនិត្យចំពោះទីតាំងខាងលើដោយក្តីអនុគ្រោះ។

អង្គភាពអ្នកសារព័ត៌មានគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយនាគខ្មៅ

https://t.me/chrtvonline គ្រុបព័ត៌មាន ទាន់ហេតុការណ៍ សូមអរគុណ។

https://t.me/+H0S010ecMsIxNjE1 គ្រុបផ្តល់ព័ត៌មាន២៥ខេត្តក្រុង សូមអរគុណ។