ចាប់ខ្លួនអ្នកកាសែត២នាក់ ពេលកំពុងដេកចាំយកព័ត៌មាន.អំពីបទល្មើសព្រៃឈើ ដែលតែងតែដឹកចេញពីភ្នំឱរ៉ាល់! ខណៈអ្នកដឹកជញ្ជូនឈើ មិនត្រូវបានបង្ក្រាប!

ដោយ នាគខ្មៅថ្ងៃទី ១២ ខែ ខែ​កក្កដា ឆ្នាំ ២០២៥ 

(កំពង់ស្ពឺ)៖ អ្នកកាសែតចំនួន២នាក់ ត្រូវបានកម្លាំងនគរបាលស្រុកឱរ៉ាល់ ខេត្តកំពង់ស្ពឺ ឃាត់ខ្លួន ដើម្បីចាត់ការតាមច្បាប់.!។

ដោយចោទថា ពួកគេដាក់កុងត្រូលជជុះទារលុយពីអ្នករកស៊ីដឹកឈើ អុស ធ្យូងចេញពីភូមិសាស្ត្រស្រុកឱរ៉ាល់។

ការឃាត់ខ្លួននេះ បានធ្វើឡើងនៅចំណុចផ្លូវគ្រួសក្រហម​ កំណាត់ផ្លូវជាតិ​លេខ៤៤​ ស្ថិតក្នុងភូមិ​ក្រាំង​ពង្រ​ ឃុំសង្កែសាទប​ ស្រុកឱរ៉ាល់ កាលពីយប់រំលងអាធ្រាតឈានចូលថ្ងៃទី១០ ខែកក្កដា ឆ្នាំ២០២៥ តាមការបញ្ជាពីគណបញ្ជាការឯកភាពស្រុកឱរ៉ាល់!!។

អ្នកកាសែតដែលត្រូវឃាត់ខ្លួនទី១-ឈ្មោះ​ វ៉េត ម៉ាប់ ភេទប្រុស អាយុ៤៣ឆ្នាំ រស់នៅភូមិព្រៃឈៀង ឃុំឫស្សីសាញ់ ស្រុកស៊ីធរកណ្តាល ខេត្តព្រៃវែង មុខរបរជាអ្នកសារព័ត៌មាន(បាសិទ្ធធីវី)។

ក្នុងនោះសមត្ថកិច្ច៖ ដកហូតរថយន្តម៉ាក Toyota Camry ពណ៌ស ពាក់ផ្លាកលេខ ភ្នំពេញ 2E-2110​ ពូថៅចំនួន០១ដេីម​ ដែកចំរ៉ុងចំនួន១០គ្រាប់ ទូរស័ព្ទ​ម៉ាក​ Iphone ចំនួន​ ០២គ្រឿង កាតសម្គាល់អ្នកសារពត៌មានចំនួន​ ០០២សន្លឹក អត្តសញ្ញាណ​ប័ណ្ណសញ្ជាតិខ្មែរចំនួន​ ០១សន្លឹក​ ប័ណ្ណបើកបរ​ចចចំនួន០១សន្លឹក ប័ណ្ណ​សម្គាល់​រថយន្ត​ចចំនួន១សន្លឹក​ លុយខ្មែរចំនួន​១លានរៀល​ ។

២-ឈ្មោះ​ សឿន សំណាង ភេទប្រុស អាយុ៤៩ឆ្នាំ រស់នៅភូមិក្រសាំង ឃុំឆែបបួយ ស្រុកឆែប ខេត្តព្រះវិហារ មុខរបរជាអ្នកសារព័ត៌មានអង្គភាព(ស្លឹករឹត)។​ក្នុងនោះសមត្ថកិច្ច៖ ដកហូត រថយន្តម៉ាក Lexus 470 ពណ៌ប្រផេះ​ ពាក់ផ្លាកលេខ ភ្នំពេញ 2O-2441

-ទូរស័ព្ទ​ចំនួន​ ០២គ្រឿង​ (ម៉ាក​ Iphone ០១គ្រឿង​ ម៉ាក​ តិចណូ​ ០១គ្រឿង​)

-លុយខ្មែរចំនួន​៤០ម៉ឺនរៀល

-អត្តសញ្ញាណ​ប័ណ្ណសញ្ជាតិខ្មែរចំនួន​ ០១សន្លឹក

-កាតសម្គាល់អ្នកសារពត៌មាន​ចំនួន​ ០១សន្លឹក

-ជំពាមកៅស៊ូចំនួន​ ០១

–ចិញ្ជៀនដាំត្បូងចំនួន០១វង់​ ។

សមត្ថកិច្ចបញ្ជាក់ថា ក្រោយឃាត់ខ្លួន សមត្ថកិច្ច បាននាំយកអ្នកកាសែតទាំង២នាក់ មកកាន់អធិការដ្ឋាន​ស្រុកឱរ៉ាល់ ដើម្បីធ្វើការសាកសួរ នៅចំពោះមុខសមត្ថកិច្ច អ្នកកាសែតទាំង២នាក់ បានឆ្លើយសារភាពថា​ ពួកខ្លួនស្ថិតនៅចំណុចនោះ ដើម្បីឃ្លាំមើលបទល្មើសព្រៃឈើ និងយកលុយពីអ្នកដឹកអុស ដឹកធ្យូងក្នុង១ឡាន​ ៥០០០រៀល​ ទៅ​ ១០,០០០រៀលគ្រាន់ទិញបាយហូប​ ហហើយមិនដែលដេញចាប់ ដេញស្ទាក់អ្វីទេ គឺអ្នករកស៊ីឈើ អុស ធ្យូងទាំងនោះឈប់ឡានអោយដោយស្ម័គ្រចិត្ត​តែប៉ុណ្ណោះ!!។

បច្ចុប្បន្នៈ អ្នកកាសែតទាំង២នាក់ខាងលើ ស្ថិតក្រោមការឃាត់ខ្លួន នៅស្នងការដ្ឋាននគរបាលខេត្តកំពង់ស្ពឺ ដើម្បីត្រៀមបញ្ជូនទៅកាន់តុលាការ!។

ពាក់ព័ន្ធការចាប់ខ្លួន អ្នកកាសែត២នាក់ខាងលើនេះដែរ មហាជនទូទៅជាពិសេស បងប្អូនអ្នកសារព័ត៌មានទូទាំងប្រទេស.កំពុងផ្ទុះការរិៈគន់.សម្ដែងការសោកស្ដាយ.រន្ធត់ចិត្ត និងខកចិត្តជាខ្លាំង ទៅលើសមត្ថកិច្ចស្រុកឱរ៉ាល់។

ដោយថា អ្នកកាសែតគ្រាន់តែ ចុះយកព័ត៌មាន ចាំប្រមាញ់បទល្មើសព្រៃឈើសោះហ្នឹង! បែរជាក្លាយជាឆ្អឹងទទឹងករបស់គេ។

រហូតត្រូវចាប់ខ្លួន ទាំងដែលកំពុងសំរាកពេលយប់ និងពុំបានដាក់បារ៉ាស់ ស្ទាក់ឃាត់បទល្មើសព្រៃឈើ ដើម្បីជំរិតយកលុយនោះឡើយ។

ម្យ៉ាងវិញទៀត អ្នកកាសែតខាងលើ ក៏ពុំបានបើករថយន្ត ដេញចាប់បទល្មើសព្រៃឈើ ដើម្បីជំរិតទារលុយអ្វីដែរ.។

-បងប្អូនអ្នកសារព័ត៌មានចោទជាសំនួរថា៖ អ្នកកាសែត ចាំប្រមាញ់បទល្មើសត្រូវគេចាប់.ចុះហេតុអ្វីបានជា មិនចាប់ខ្លួនពួកប្រព្រឹត្តបទល្មើសព្រៃឈើ ដែរទៅ.។

អង្គភាពអ្នកសារព័ត៌មានយើង ស្នើសុំដល់ឯកឧត្តម អភិសន្តិបណ្ឌិត សសុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ  សូមមេត្តា ចាត់មន្ត្រីជំនាញ ត្រួតពិនិត្យ មន្ត្រីអនុវត្តច្បាប់មួយចំនួន នៅខេត្តកំពង់ស្ពឺដោយក្តីអនុគ្រោះ។

អង្គភាពអ្នកសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនានិងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយនាគខ្មៅ

👉https://t.me/+H0S010ecMsIxNjE1

👉https://t.me/chrtvonline

👉@nakreach789 បារមីនាគខ្មៅ

👉 ទំនាក់ទំនងផ្សាយ ពាណិជ្ជកម្ម  តេឡេក្រាម 0766493660

👉ទំនាក់ទំនង ប្រឹក្សាយោបល់ តាមរយៈតេឡេក្រាម 0719022227 សូមអរគុណ។