ឯកឧត្តមអភិសន្តិបណ្ឌិត ឧបនាយករដ្ឋមន្ត្រី ស សុខា អញ្ជើញប្រកាសចូលកាន់តំណែងអភិបាលខេត្តស្វាយរៀង, លោក ប៉េង ពោធិ៍សា ជំនួសលោក ម៉ែន វិបុល ដែលត្រូវចូលនិវត្តន៍
ស្វាយរៀង៖ ឯកឧត្តមអភិសន្តិបណ្ឌិត ស សុខា ឧបនាយកមន្ត្រី រដ្ឋមន្ត្រីក្រសួងមហាផ្ទៃ នៅព្រឹកថ្ងៃទី០៧ ខែកញ្ញា ឆ្នាំ២០២៣នេះ បានអញ្ជើញប្រកាសចូលកាន់មុខតំណែងអភិបាលខេត្តស្វាយរៀង ដោយលោក ប៉េង ពោធិ៍សា ប្រកាសតែងតាំងជាអភិបាលខេត្តស្វាយរៀង ជំនួសលោក ម៉ែន វិបុល ដែលដល់អាយុចូលនិវត្តន៍។
លោកអភិសន្តិបណ្ឌិត ស សុខា ក៏បានថ្លែងកោតសរសើរដល់លោក ម៉ែន វិបុល ដែលក្នុងអាណិត្តិដែលលោកជាអភិបាលខេត្តបានដឹកនាំ និងខិតខំអភិវឌ្ឍន៍ខេត្តស្វាយរៀង ឲ្យមានការរីកចម្រើន និងរក្សាបានសន្តិសុខសណ្ដាប់ធ្នាប់សាធារណៈឲ្យបានល្អប្រសើរ។
លោកអភិសន្តិបណ្ឌិត បានថ្លែងផ្តាំផ្ញើដល់លោកអភិបាលខេត្ត និងមន្ត្រីរាជការ កងកម្លាំងប្រដាប់អាវុធពាក់ព័ន្ធទាំងអស់ ត្រូវបន្តយកចិត្តទុកដាក់លើការថែរក្សាសន្តិសុខ សណ្តាប់ធ្នាប់សង្គម និងសុវត្ថិភាពនៅក្នុងខេត្តជូនប្រជាពលរដ្ឋឲ្យបានល្អប្រសើរបន្ថែមទៀត អាជ្ញាធរគ្រប់លំដាប់ថ្នាក់ ត្រូវពង្រឹងការទប់ស្កាត់ការជួញដូរ ចែកចាយ និងប្រើប្រាស់គ្រឿងញៀននៅតាមមូលដ្ឋានឲ្យមានប្រសិទ្ធភាព បង្ក្រាបល្បែងសុីសងខុសច្បាប់គ្រប់ប្រភេទ និងបន្តបង្កើនការផ្សព្វផ្សាយច្បាប់ចរាចរណ៍ផ្លូវគោក និងខិតខំដោះស្រាយបញ្ហាទំនាស់នានារបស់បងប្អូនប្រជាពលរដ្ឋឲ្យអស់ពីលទ្ធភាពនៅក្រៅប្រព័ន្ធតុលាការ។
លោកអភិសន្តិបណ្ឌិត ស សុខា បានបន្តថា ថ្នាក់ដឹកនាំខេត្ត មានក្រុមប្រឹក្សាខេត្ត និងអភិបាលខេត្ត បន្តពង្រឹងការសាមគ្គីភាព ឯកភាពផ្ទៃក្នុងឲ្យបានល្អ ពូតដៃគ្នាដើម្បីអភិវឌ្ឍខេត្តស្វាយរៀង ឲ្យកាន់តែរីកចម្រើននៅថែមទៀត។ ព្រមទាំងលើកកម្ពស់ ការពារសន្តិសុខសណ្តាប់ធ្នាប់ តាមបន្ទាត់ព្រំដែន និងសហប្រតិបត្តិការ ជាមួយប្រទេសជិតខាងឲ្យបានល្អ ធ្វើយ៉ាងណាឲ្យព្រំដែនមានសន្តិភាព និងការអភិវឌ្ឍ។
ជាមួយគ្នានេះ ត្រូវបន្តផ្តល់សេវាសាធារណៈឲ្យបានល្អប្រសើរ ដូចជា ការផ្តល់សេវាតាមយន្តការច្រកចេញចូលតែមួយ លើកកម្ពស់បណ្ដុះបណ្ដាលដល់មន្ត្រី ឲ្យមានសមត្ថភាពគ្រប់គ្រាន់ដើម្បីធ្វើកិច្ចការងារឲ្យទទួលបានជោគជ័យបន្ថែមទៀត បន្តរៀបចំវេទិកាសាធារណៈនៅមូលដ្ឋាន ដើម្បីដោះស្រាយសំណូមពរនានារបស់ប្រជាពលរដ្ឋឲ្យកាន់តែមានប្រសិទ្ធភាពនិងតម្លាភាព៕ដោយ ថនសុវណ្ណរតនា
![](https://blogger.googleusercontent.com/img/b/R29vZ2xl/AVvXsEh05so01zAsbuRjtUUNDh-6ChjqDN5qISQRn1BqjII6lOVc6jFmuexccMObSNKhs-cyMR0kZEGn96r6BR0lTTN0qGPtkDC5EIOB9TGx9AZ8HHLWPJrhPaCCjY1UXf3P9BHJz04Zx1U54vtBz-aYkVlcaZhd8Tvo7taIdpNBLo81tT0XZQ8vuI_MzmvC9tA/w320-h213/photo1694056556%20(1).jpeg)
![](https://blogger.googleusercontent.com/img/b/R29vZ2xl/AVvXsEjaJdnA2ccadSNbcW89Jfz33BDsSx429G9J04figU5GXfagnzIs20qx6w278nnGE1rx-EBZnFs-NOExILvvZaz8LmDwejehfGVr5qkqlvUvKvdgU12mBFze4up3VbVgnM54KnCkwFY-87IEKe8IebIhNuZI1QPcKUFVQ55wI3O7_PukO7fwCmd-LiNkfmI/w320-h213/photo1694056556%20(2).jpeg)
![](https://blogger.googleusercontent.com/img/b/R29vZ2xl/AVvXsEhYo6SyaBYP2YTS4K3HmHTQ-AUBJJ94Ul-2pgthrfBksXIIc9Vdzyv6E0H2D-KbaKS2QpiZ-TKdf3ruMtksuTnRyVWJvHDC_9b7XKtjGJTf1Vsv-B72xXL2F2QgmQyS-sa93HMun2SKjJwCjTooQuzf3Z1e7TIGRToRtl0EnjzTtAhhL_chEWSWnAQUyIc/w320-h207/photo1694056556%20(3).jpeg)
![](https://blogger.googleusercontent.com/img/b/R29vZ2xl/AVvXsEgSvLd1LKp4QYdEdZd8OXM1zcpujS0RmwM3WK-xk--hUgP6EnlwWjNals_5YgLLpEmsximEiW_eEfm5Vfkh7UhRE_xp_a2gkbl6yyJNXs1P6jMW8PuDtHtNlEdsoN-Qd1E1TjKeWd-AZyHACRJZAtJ5-dMtp5Ou2uX2loYy-8lg8nge9d4ElIG93_SG2mE/w320-h213/photo1694056556%20(4).jpeg)
![](https://blogger.googleusercontent.com/img/b/R29vZ2xl/AVvXsEjBu8UHtZT3Oezqxua-Dlqy4hakwL-SxTZCD6FrXrLXpQHX-baxYbz28sx-xmATNJAHgcO3rd7-_k9qe584u9r0KH_qRkExHm9e4lf1Q1avMMqdr2DuHztlEkWO4T3zdERj_A_sz519PwB8ZBuPY68t8Hr3xZmpKOX1wxt37Qpt3Eznr-Oc67W8_LCiHwU/w320-h213/photo1694056556%20(5).jpeg)
![](https://blogger.googleusercontent.com/img/b/R29vZ2xl/AVvXsEjX1yuEejVB8FCbilKTxFGjD7QFx1mvjZ00is41qZZUKeXZdTk0GLE3aqDnnSZC9v2AFx1G4k0Gq9kecxrX9UtSpTsL1lJuKxAzbePg5mEBvRdiGEeboAHysr62AEWI94dgg0GGAlGecSJ2aD6_ZVxpkQWA_wqPfSswjvVqhkxcCjbmWM826rPjM7cT0Bc/w320-h213/photo1694056556%20(6).jpeg)
Post a Comment