តើគោលនយោបាយរបស់រដ្ឋាភិបាលថ្មីថៃមានអ្វីខ្លះ?
ប្រទេសថៃ ៖ ក្នុងទឹកដំបូងថៃជ្រើសតាំងបាននាយករដ្ឋមន្ត្រីថ្មីមួយរូបហើយ គឺលោកស្រ៊ីតថាថាវីស៊ីន។ រួចទឹកទី២ប្រធានសភាថៃនឹងបង្ហាញបញ្ជីឈ្មោះបណ្ដាអ្នកដែលត្រូវតែងតាំងជារដ្ឋមន្ត្រី យោងតាមមាត្រាទី៣៧២នៃរដ្ឋធម្មនុញ្ញ។ ពេលដែលដំណាក់កាលនោះត្រូវបានឆ្លងកាត់រួច និងជាមួយការយល់ស្របរបស់ព្រះមហាក្សត្រ នាយករដ្ឋមន្ត្រីថ្មីនឹងបង្កើតរដ្ឋាភិបាលថ្មីមួយ មុនពិធីធ្វើសច្ចាប្រណិធាន។ ក្រោយពិធីនោះហើយរដ្ឋាភិបាលនឹងចាប់ផ្ដើមចូលកាន់តំណែង។
ទន្ទឹមនឹងនះដែររដ្ឋាភិបាលថ្មីត្រូវបង្ហាញគោលនយោបាយរបស់ខ្លួនចំពោះសភា ដូចតាមមាត្រាទី១៦២នៃរដ្ឋធម្មនុញ្ញ។ នយោបាយមូលដ្ឋានរបស់រដ្ឋាភិបាលចម្រុះដឹកនាំដោយគណបក្សភឿថៃត្រូវបានបង្ហាញរួចហើយ។
បណ្ឌិតCHOLNAN SRIKAEWប្រមុខគណបក្សភឿថៃ ប្រកាសនាពេលមុននេះថា ក្រុមចម្រុះ១១គណបក្សបានយល់ស្របប្រកាន់យកគោលនយោបាយ របស់គណបក្សភឿថៃជានយោបាយមូលដ្ឋាន។ គោលនយោបាយរបស់គណបក្សភឿថៃមានដូចជា ចែកចាយប្រាក់១០.០០០បាត(២៦៤អឹរ៉ូ)ដល់ពលរដ្ឋថៃម្នាក់ៗមានអាយុចាប់ពី១៦ឆ្នាំឡើងទៅ សំដៅបង្កើនអំណាចទិញដោយបញ្ចូលប្រាក់៥០០ពាន់លានបាតក្នុងសេដ្ឋកិច្ច ។
បែបនោះនឹងអាចបង្កើនតម្លែសេដ្ឋកិច្ចដល់គុណនឹង៦ ពោលបានដល់៣០០០ពាន់លានបាត។ បង្កើនប្រាក់បៀវត្សអតប្បរមា ឲ្យដល់៦០០បាតក្នុង១ថ្ងៃដល់ឆ្នាំ២០២៧ ដោយគិតដល់កំណើនសេដ្ឋកិច្ច ផលិតភាពការងារនិងអត្រាអតិផរណា។ ប្រាក់បៀវត្សអតិប្បរមារបស់អ្នករៀនចប់ចេញពីសាកលវិទ្យាល័យ នឹងមាន២៥.០០០បាតក្នុង១ខែដល់ឆ្នាំ២០២៧។ ការចូលបំពេញករណីកិច្ចបម្រើយោធាយោងតាមការស្ម័គ្រចិត្ត។
ខាងផ្នែកកសិកម្មរដ្ឋាភិបាលនឹងអនុវត្តនយោបាយសំដៅបង្កើនតម្លៃផលិតផលកសិកម្ម ក្នុងគោលបំណងបង្កើនគុណនឹង៣ប្រាក់ចំណូលមធ្យមរបស់កសិករ ឲ្យដល់៣០.០០០បាតក្នុង១ឆ្នាំដល់ឆ្នាំ២០២៧។ ការដោះស្រាយជម្លោះព្រំដែននៅភាគខាងត្បូងប្រទេស រដ្ឋាភិបាលនឹងខិតខំដោះស្រាយជម្លោះនោះ ហើយបង្កើតសន្តិភាពស្ថិតស្ថេរក្នុងបណ្ដាខេត្តភាគខាងត្បូង។ ចំពោះបញ្ហាកញ្ឆាវេជ្ជសាស្ត្រ រដ្ឋាភិបាលនឹងសិក្សាថែមទៀតលើកញ្ឆាសុខភាពនិងវេជ្ជសាស្ត្រ។ រីឯបញ្ហាកែប្រែរដ្ឋធម្មនុញ្ញ រដ្ឋាភិបាលចង់កែលម្អលទ្ធិប្រជាធិបតេយ្យ បង្ការអំពើពុករលួយ ហើយរក្សាទុកបណ្ដាមាត្រាទាក់ទិននឹងព្រះមហាក្សត្រ៕
Post a Comment