សូមធ្វើសេចក្តីរាយការណ៍ ជូនថ្នាក់ដឹកនាំមេត្តាជ្រាបថា : ល្បែងស៊ីសងខុសច្បាប់ជ្រកក្រោមស្លាកយីហោ ( ផ្ទះឡ) កំពុងតែបានដំណើរការលេងយ៉ាងរលូន (បាញ់អាប៉ោង,មាន់ជល់ នឹងឡូតូអនឡាញ)និងដុះស្លែពលរដ្ឋ

 

រាជធានីភ្នំពេញ : ទីតាំងល្បែងស៊ីសងខុសច្បាប់ (បាញ់អាប៉ោង,មាន់ជល់ នឹងឡូតូអនឡាញ) កំពុងតែបានដំណើរការជាធម្មតា ខណៈដែលអាជ្ញាធរមូលដ្ឋាន មិនទាន់បានជ្រាបជាដំណឹង ឬមួយត្រូវថ្នាំងងុយដេកអស់ទៅហើយ ការបើកដំណើរការទទួលភ្ញៀវយ៉ាងគគ្រឹកគគ្រេង មានទាំងក្មេងចាស់ប្រុស-ស្រី ទាំងជនជាតិខ្មែរ និងវៀតណាម ដែលស្ថិតនៅតាមបណ្ដោយផ្លូវ វេងស្រេង សង្កាត់ ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

អង្គភាពសារព័ត៌មានយើង សូមធ្វើសេចក្តីរាយការណ៍ សូមលោកមេប៉ុស្តិ៍ចោមចៅ១ និង លោក ម៉ម វុទ្ធី

អធិការនគរបាលខណ្ឌពោធិ៍សែនជ័យ រាជធានីភ្នំពេញ សូមមេត្តាចាត់មន្ត្រីជំនាញ ចុះពិនិត្យទីតាំងខាងលើនេះផងទានយោងគោលនយោបាយ ភូមិ-សង្កាត់មានសុវត្ថិភាពទាំង៧ចំនុច​ របស់ក្រសួងមហាផ្ទៃ។

សូមរំលឹកថា : កាលពីថ្ងៃទី១៨ ខែកុម្ភៈ ឆ្នាំ ២០២៤ សម្តេចបវរធិបតី ហ៊ុន ម៉ាណែត បានដាក់បទបញ្ជាឲ្យអភិបាលទាំង២៥ ខេត្ត-ក្រុង-រាជធានី- ខេត្ត តម្រូវឲ្យបង្រ្កាបទីតាំងបនល្បែងស៊ីសងតាមអនឡាញគ្រប់ប្រភេទ និងកន្លែងចែកចាយ នូវប្រភេទថ្នាំ ដែលមានសារធាតុញៀន ខុសច្បាប់គ្រប់ប្រភេទ នូវទូទាំងប្រទេស ដោយគ្មានការលើកលែង។

អង្គភាពសារព័ត៌មានយើង ស្នើសុំលោក សក់ កញ្ញារិទ្ធ ជាអភិបាលនៃគណៈអភិបាលខណ្ឌពោធិ៍សែនជ័យ និង លោក ម៉ន វុទ្ធី អធិការនគរបាលខណ្ឌពោធិ៍សែនជ័យ ចាត់មន្ត្រីជំនាញចុះត្រួតពិនិត្យ ដោយក្តីអនុគ្រោះ។
ដោយឡែកអង្គភាពអ្នកសារព័ត៌មានយើង គ្រាន់តែជាកញ្ចក់ឆ្លុះបញ្ចាំងផ្សព្វផ្សាយព័ត៌មានក្នុងការជូនដំណឹងដល់រាជរដ្ឋាភិបាលមិនមានចេតនាញុះញង់ឲ្យមានការរើសអើងអង្គភាពអ្នកសារព័ត៌មានយើងសូមរង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយនាគខ្មៅ