ឃ្លាំងស្តុកទំនិញគ្មានផ្លាកយីហោមួយកន្លែង ស្ថិតនៅឃុំភ្នំឌិន ស្រុកគីរីវង់ ខេត្តតាកែវ សូមថ្នាក់ដឹកនាំមេត្តាចុះត្រួតពិនិត្យ វគ្គ១

ខេត្តតាកែវ : សេចក្តីរាយការណ៍បឋម ជម្រាបជូន ឯកឧត្តម វី សំណាង អភិបាលនៃគណៈអភិបាលខេត្តតាកែវ រួមជាមួយមន្ត្រី ក.ប.ប. និងមន្ត្រីគយ សូមមេត្តា ចុះពិនិត្យឃ្លាំងស្តុកទំនិញ គ្មានផ្លាកយីហោនាំចូលពីវៀតណាម ដែលមានសកម្មភាពចែកចាយយ៉ាងគគ្រឹកគគ្រេងទូទាំង ២៥ រាជធានី-ខេត្ត ដែលមានទីតាំងស្ថិតនៅឃុំភ្នំឌិន ស្រុកគីរីវង់ ខេត្តតាកែវ។
ឃ្លាំងស្តុកទំនិញ បញ្ចេញសកម្មភាពនាំចូល និងស្តុកទុកប្រេងឆាដឹកជញ្ជូនឆ្លងដែនមកពីប្រទេសវៀតណាម យកមកផ្ទុកក្នុងឃ្លាំងនេះជាច្រើនខែ និងច្រើនឆ្នាំមកហើយ ដោយឡែកអង្គភាពសារព័ត៌មានយើង មន្ត្រីជំនាញនៅស្ថាប័នណាខ្លះ ចុះត្រួតពិនិត្យ ឬមានការអនុញ្ញាតត្រឹមត្រូវពីស្ថាប័នមន្ត្រីជំនាញ។

យោងតាមប្រភពពីបងប្អូនប្រជាពលរដ្ឋរស់នៅក្បែរតំបន់ទីតាំង ឃ្លាំងស្តុកទំនិញខាងលើ អង្គភាពសារព័ត៌មានយើង បានចុះ ទៅពិនិត្យជាក់ស្តែង គឺបានឃើញផ្ទាល់ភ្នែកថាឃ្លាំងស្តុកទំនិញខ្នាតធំ មានរថយន្តយីឌុបដ៏ធំៗ ពាក់ស្លាកលេខខ្មែរខ្លះ និងពាក់ស្លាកលេខប្រទេសវៀតណាមខ្លះ ដោយមានការឃ្លុបបាំងបិទជិតៗយ៉ាងតឹងរ៉ឹង បានបើកចូលចេញដឹកជញ្ជូនទំនិញ ច្រើនប្រភេទ (ប្រេងឆា) ផ្ទុកចូលក្នុងឃ្លាំងនេះតែម្តង។

ប្រជាពលរដ្ឋបានលើកឡើងបន្ថែមថា ចាប់ពីម៉ោងប្រមាណ ៧ ដល់ ៨ យប់ រហូតដល់ម៉ោង ៥ ជិតភ្លឺ គឺមានរថយន្ត
ម៉ាកសាមយ៉ុង ចាប់ពី ៥ គ្រឿង រហូតដល់ ១០ គ្រឿង បានចេញដំណើរធ្វើសកម្មភាពដឹកជញ្ជូនបោះដុំទំនិញ (ប្រេងឆា)យ៉ាងគគ្រឹកគគ្រេង យកទៅចែកចាយតាមបណ្តារាជធានី-ខេត្តទាំង ២៥ រៀងរាល់ថ្ងៃ ដោយមានបុគ្គលឈ្មោះ លោកធា ជាអ្នកចាំកាង និងមើលផ្លូវយ៉ាងតឹងរ៉ឹង។

យោងតាមច្បាប់ និងភារកិច្ចស្នូលរបស់ស្ថាប័នមានសមត្ថកិច្ច បានកំណត់យ៉ាងច្បាស់លាស់ដូចខាងក្រោម៖

អគ្គនាយកដ្ឋានកិច្ចការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប.)៖ មានភារកិច្ចយ៉ាងសំខាន់ក្នុងការការពារសិទ្ធិ និងផលប្រយោជន៍អ្នកប្រើប្រាស់ ព្រមទាំងទប់ស្កាត់និងបង្ក្រាបរាល់ការនាំចូលទំនិញ ផលិតផលគ្មានគុណភាព ឬខូចគុណភាពពីបរទេស ដែលអាចធ្វើឱ្យប៉ះពាល់ដល់សុខភាព និងអាយុជីវិតរបស់ប្រជាពលរដ្ឋ។
អគ្គនាយកដ្ឋានគយ និងរដ្ឋាករកម្ពុជា៖ មានតួនាទី និងភារកិច្ចតាមផ្លូវច្បាប់ក្នុងការគ្រប់គ្រង កំណត់ និងប្រមូលពន្ធអាករលើទំនិញនាំចូល ព្រមទាំងទប់ស្កាត់ និងបង្ក្រាបរាល់បទល្មើសរត់ពន្ធ ទំនិញគេចពន្ធ ឬការនាំចូលសម្ភារៈនិងទំនិញខុសច្បាប់គ្រប់ប្រភេទឆ្លងកាត់ព្រំដែនពីប្រទេសដទៃចូលមកក្នុងប្រទេសកម្ពុជាដោយគ្មានការត្រួតពិនិត្យគុណភាព និងគ្មានការអនុញ្ញាតត្រឹមត្រូវ ដើម្បីការពារសេដ្ឋកិច្ចជាតិ និងសុវត្ថិភាពសង្គមទប់ស្កាត់មិនឱ្យឈ្មួញទុច្ចរិតដឹកជញ្ជូនទំនិញខុសច្បាប់ចូលមកបំផ្លាញទីតាំងក្នុងស្រុកឡើយ។

អង្គភាពសារព័ត៌មានយើង សូមធ្វើសេចក្តីរាយការណ៍ ជម្រាបជូន ថ្នាក់ដឹកនាំគ្រប់ជាន់ថ្នាក់ និងមន្ត្រីជំនាញនៃ
ស្ថាប័នពាក់ព័ន្ធ ជាពិសេស ឯកឧត្តម វី សំណាង អភិបាលនៃគណៈអភិបាលខេត្ត សូមចាត់មន្ត្រីជំនាញចុះត្រួតពិនិត្យ ដោយក្តីអនុគ្រោះ។

អង្គភាពសារព័ត៌មានយើងសង្ឃឹមថា ឯកឧត្តម អភិបាលនៃគណៈអភិបាលខេត្ត និងចាត់វិធានការចំពោះ ឃ្លាំងស្តុក
ទំនិញគ្មានផ្លាកយីហោ ដើម្បីអោយម្ចាស់ឃ្លាំងស្តុកទំនិញឬក្រុមហ៊ុននាំចូល ស្តុកនិងចែកចាយ បញ្ជាក់ពីគុណ
ភាពទំនិញ បញ្ជាក់ពីស្លាកយីហោ អោយបានច្បាស់លាស់ និងដើម្បីកុំអោយប្រជាពលរដ្ឋមានការភាន់ច្រឡំ ។
អង្គភាពសារព័ត៌មានយើងគ្រាន់តែជាកញ្ចក់ឆ្លុះបញ្ចាំងរិះគន់ក្នុងន័យស្ថាបនា ផ្សព្វផ្សាយព័ត៌មានតាមវិជ្ជាជីវៈនិងក្រុមសីលធម៌ មិនមែនញុះញង់ធ្វើឲ្យមានការរើសអើង និងសូម រង់ចាំការឆ្លើយបំភ្លឺគ្រប់ស្ថាប័នពាក់ព័ន្ធគ្រប់ពេលម៉ោងធ្វើការតាមរបបអ្នកសារព័ត៌មានសូមអរគុណ។ដោយនាគខ្មៅ